साइकल सुरक्षाका विषयमा जनचेतना जगाउने उद्धेश्यले १५ औँ निर्वस्त्र साइकल दौड दिवसमा विश्वका विभिन्न सहरहरुमा मनाइयाे । विश्वभर जुन ९ मा वल्र्ड नेकेड बाइक राइड डे मनाउने क्रममा हजारौँ साइकलप्रेमीहरु निर्वस्त्र भएर साइकल दौडाए ।
बेलायतको लण्डनका विभिन्न ठाउँमा वृद्धवृद्धा देखि तरुनी तन्नेरीहरु सबै निर्वस्त्र भएर सयौँ साइकलयात्रीहरु निर्वस्त्र साइकल यात्रामा निस्किए । कतिपयले साइकलयात्रीले भोग्नुपर्ने जोखिम र सुरक्षाका विषयमा जनचेतनामूलक भनाईहरु आफ्नो नांगे ढाडमा पेन्ट गरेका थिए ।
अमेरिकाको शिकागो लगायतका सहरमा पनि हजारौँ साइकलयात्रीहरु निर्वस्त्र साइकल दौडमा सहभागी भए । भने त्यस्तै क्यानडाको टोरोन्टोस्थित कोरोनेसन पार्कमा पनि निर्वस्त्र साइकलयात्रीथिए ।
साइकलयात्रीको सुरक्षा, वातावरणमैत्री साइकलको प्रवद्र्धन तथा प्रदुषक सवारी साधनप्रतिको मोह घटाउने जनचेतना अभिवृद्धिका लागि हरेक वर्ष स्वतःस्फूर्त रुपमा विश्वभर निर्वस्त्र साइकल दौडको आयोजना गर्ने गरिएको छ ।
