यी युवतिलाई हेर्दा चार सन्तानकि आमा होलीन् भनेर अनुमान लगाउन सकिदैन । मलेसियाको जोहर प्रान्तमा बस्ने २३ वर्षीया डोरेन चिङ ले दुई बर्ष अघि चार सन्तालाई जन्म दिएकी हुन् ।
दुई वर्षअघि एकैपटक चम्ल्याहा सन्तान जन्माएकी डोरेनले गर्भवती हुँदा पेटमा देखा परेका धर्साको तस्बिर फेसबुकमा मेन्डोलिन भाषाको क्याप्सनका साथ अपलोड गर्दा पूर्वी मलेसिया, सिंगापुर तथा ताइवानमा त्यसले निकै चर्चा पायो । उनको उक्त तस्बिर १३ हजार पटक सेयर अनि २५ हजार लाईक र उत्तिकै कमेन्ट प्राप्त गर्न सफल भयो ।
अनुहार हेर्दा डोरेन चार सन्तानकी आमा हुन् भनेर कसैले पत्याउँदैनन् । विवाह गर्ने उमेरकी युवतीभन्दा पनि कान्छी देखिने डोरेनले पेटको धर्सा भएको तस्बिर पोस्ट गर्दा धेरैले त्यसमा अविश्वास व्यक्त गरे । उनको उक्त तस्बिर आपलोड भएपछि धेरैले ट्रोल बनाएर उनलाई सहानुभूति र ठट्टा दुवैको पात्र बनाए ।
डोरेन भन्छिन्– मैले सन्तानका लागि आफ्नो शरीरको सौन्दर्यलाई गौण माने । मैले आमा बन्न महिलाले आफ्नो सौन्दर्यसम्म त्याग गर्छन् भन्ने कुरा देखाउन खोजेकी हुँ । यही कार्यले गर्दा धेरैले उनलाई साहसिक सुन्दरीको उपनामसमेत दिएका छन् ।
