एजेन्सी ।
कम उमेरमा बिबाह भएकी वा डिभोर्स भएर एक्ले सन्तान हुर्काएका महिलाहरुको सन्तानले ढिला बिबाह गर्न रुचाउने एक अध्ययनले देखाएके छ ।
अमेकिाको ओहियो स्टेट विश्वविद्यालयका अनुसन्धानकर्ताका अनुसार उनीहरु आफ्ना आमाबुबाले गरेको गलत निर्णयबाट बच्न चाहान्छन् । अध्ययनका अनुसार विवाह गर्ने निर्णय लिन व्यक्तिले आफ्नी आमाको विवाह तथा वैवाहिक अवस्था हेरेर निर्णय लिने गर्छन् ।
यसले जीवनसाथी छान्ने निर्णयमा ठुलो असर पार्ने अनुसन्धानले निष्कर्ष निकालेको छ । अध्ययनमा २,५८१ जना आमाहरु र ३,९१४ जना बच्चाहरु समावेश गरिएको थियो । अध्ययनकर्ताका अनुसार सानो उमेरमा विवाह गरेकी आमाको वैवाहिक जीवन सफल रहेको छ भने उनीहरु पनि २० वर्षको वा सो भन्दा पहिला नै विवाह बन्धनमा बाधिन चहान्छन् ।
तर, यदी आमाको विवाह सानो उमेरमा भएर पनि वैवाहिक जीवन राम्रो हुँदैन उनीहरुका बच्चाहरु भने विवाह त गर्छन् तर निकै ढिला ।
अध्ययनकर्ता भन्छन्,‘बच्चाहरु आफ्ना माता–पिताको पारपाचुकेलाई देखेर पनि जीवन साथी कस्तो रोज्नेबारे गम्भिर भएर निर्णय लिन्छन् । यस्ता निर्णय लिन उनीहरु धेरै समय खर्चिने गर्छन् ।’
