जापानको टोकियो शहरमा बस्ने ४५ वर्षीय फिजियोथेरापिस्ट मासायूकी ओजाकीको वैवाहिक जीवनमा जब पहिलेको जस्तो प्रेम रहेन तब उनले एक्लोपनाबाट छुटकरा पाउन एक अनौठो तरिका अपनाए ।
मासायूकीले सिलिकनबाट मिर्मित एक ‘सेक्स डल’ घर ल्याएर आए । र अहिले त्यही ‘सेक्स डल’ उनको जिन्दगीको एक महत्वपूर्ण प्रेम बनेको छ ।
मासायूकी भन्छन्, ‘छोरीको जन्मपछि मेरी श्रीमतीले मसँग यौनसम्बन्ध राख्न अस्विकार गरिन् । जसका कारण मैले अत्यधिक एक्लो महसुस गर्न थालें । तर जब मैले शोरुममा मायूलाई देखें मलाई पहिलो नजरमा नै उनीमाथि प्रेम बस्यो ।’
मासायूकी आफ्नी सेक्स डललाई ह्वीलचेयरमा राखेर डेटमा लैजान्छन् ।
मायूको प्रवेशले मासायूकीको जीवनको खालीपन हटेको उनी बताउँछन् । मासायूकीले मायूलाई ड्राइभमा लैजान्छन्, समुन्द्रमा घुमाउँछन् र निकै मज्जाले छुट्टी मनाउँछन् ।
सेक्स डललाई प्रेम गर्नेमा मासायूकी एक्ला व्यक्ति होइनन् । जापानमा हरेक दिन यस्ता पुरुषको संख्या बढिरहेको छ जो सेक्स डलमा वास्तविक प्रेम खोजिरहेका छन् ।
सेक्स डलका निर्माता ओरिएन्ट इन्डष्ट्रिका एमडी हिडियो सूचिया भन्छन्, ‘आजकाल धेरै पुरुषले सेक्स डलको चाहना गर्छन् किनभने
उनीहरुलाई लाग्छ कि उनीहरु वास्तविक रुपमा नै सेक्स डलसँग कुरा गर्न सक्छन् ।’
