एजेन्सी ,३० जेठ ।
आफुलाई सर्पको टोकेपछि एक व्यक्तिले सँगै बाँच्ने सँगै मर्ने इच्छा भएको भन्दै श्रीमतीलाई टोकेका छन् । तर उनको ईच्छा पुरा भएन । श्रीमतीलाई डाक्टरले बचा श्रीमानको मृत्यु भयो ।
भारत पटनाबाट झण्डै ९० किलोमिटर उत्तर समस्तीपुर जिल्ला वीरसिंहपुर गाउँका शंकर राईलाई गएको शनिबार राति सुतिरहेका बेला सर्पले टोकेको थियो ।
तर उनले बिहान उठेपछि मात्रै आफुलाई सर्पले टोकेको थाहा पाए । लगत्तै श्रीमती अमिरी देवीलाई आफूलाई निकै माया लाग्ने र सँगै मर्ने भन्दै हातमा टोकेका थिए ।
आफू धेरै नबाँच्ने थाहा पाएर निकै भावुक भएका उनले हतारिँदै श्रीमती भएठाउँ गई उनको हातमा टोकेको । त्यसलगत्तै उनी अचेत भएका थिए ।
त्यसपछि अस्पताल र्पुयाइएका उनीहरुमध्ये श्रीमानको मृत्यु भयो । श्रीमतीको भने समयमै उपचार पाएकाले ज्यान जोगियो ।
स्थानीय अस्पतालका डाक्टर जयकान्तले श्रीमती अमिरीको अवस्था अहिले सामान्य भएको बताउनुभएको छ । अमिरीले श्रीमानले आफूलाई निकै माया गर्ने भन्दै हातमा टोक्न लागेको र आफूले पनि केही नभनी टोक्न दिएको बताएकी छन् ।
