काठमाण्डौ , ८ जेठ ।
चीनको हाङ्गचौ हुवीसन पेट फुड ट्रेड कम्पनीले काठमाडौं स्थित क्षेत्रपाटी निःशुल्क चिकित्सालय अस्पताललाई सहयोग स्वरुप एउटा अल्ट्रासाउण्ड मेसिन प्रदान गरेको छ ।
लामो समयदेखि स्थानीय वासिन्दाहरुलाई स्वास्थ्य सेवा उपलब्ध गराईरहेको सो अस्पताललाई चिनिया भिक्षु चोङ्ग योङ्गले शनिवार सो मेसिन प्रदान गरेका हुन् । अरनिको समाजका वरिष्ठ उपाध्यक्ष डा.मनोजमान श्रेष्ठले सो मेसिनको लागि आवश्यक पहल गरेका थिए । अल्ट्रासाउण्ड मेसिन प्रदान प्राप्त भएपछि सेवाग्राहीहरु अझ लाभान्वित हुने डा. श्रेष्ठले बताए ।
वि.सं.२०७२ बैशाख १२ गतेको महाभूकम्पको समयमा चिनिया भिक्षु चोङ्ग योङ्गले भूकम्प पीडितलाई राहत उपलब्ध गराउन चीनमा महत्वपूर्ण भूमिका निर्वाह गरेका थिए ।
जसको परिणाम स्वरुप विभिन्न चिनिया संस्थाहरुले करोडौं रुपैया बराबरको राहत सामग्री वितरण गरेका थिए । चिनिया भिक्षु चोङ्ग योङ्ग हाल लुम्बिनीको विकासमा क्रियासिल छन् ।
