एजेन्सी, बैशाख ९ ।
हरेक गर्भवती आमाको इच्छा भनेको स्वस्थ र सुन्दर बच्चा जन्मियोस् भन्ने हुन्छ । तर, सबै आमाका ती इच्चा पूरा हुन नसक्ने रहेछ । अफ्रिकी देश क्यामरुन की एक महिलाको हकमा भने यस्तै कुरा लागू भएको छ । उनले यस्तो बच्चा जन्माइन् की जसलाई देखेर मान्छेहरू धेरै डराएका थिए ।
ती महिलाले जन्माएको उक्त बच्चाको शरीरमा आधा अंग नै थिएन । बच्चाका दुबै आँखा जोडिएका थिए । आँखा आफ्नो स्थानमा थिएनन् । निधारको बीच भागमा थिए र स्वाभाविक भन्दा ठूला देखिन्थे । बच्चाको आँखा देख्दा डर लाग्ने किसिमको थियो । बच्चाको टाउको सामान्य भन्दा निकै ठूलो थियो ।
बच्चाको एउटा मात्रै कान थियो भने बच्चाको नाक र मुख नै थिएन । यस्तो डरलाग्दो बच्चा जन्मिएको खबर सुनेर मानिसहरू टाढा–टाढाबाट समेत हेर्न आएका थिए । तर, सबैजसो व्यक्ति बालकको नजिक पर्न डराए । जम्मा भएका मान्छेहरूले हालसम्म त्यस्तो बच्चा कहीँ कतै नदेखेको भन्दै बच्चालाई राक्षसको संज्ञासमेत दिएका छन् ।
अस्पतालका नर्सले पनि अस्पतालमा हालसम्म यस्तो बच्चा नजन्मिएको बताइन् । बच्चाको मुख र नाकका साथै मलद्वार पनि नभएको नर्सले जानकारी गराइन् । जन्मिएको केहीँ मिनेटमा नै बच्चाको मृत्यु भएको थियो । बच्चाको नाक नभएको र स्वाश लिन नपाएका कारण मृत्यु भएको चिकित्सकहरू बताए ।
