काठमाडौँ, २६ माघ । मानवअधिकार तथा शान्ति समाजले लागुऔषध तथा मदिरा दुव्र्यसन रोकथामका लागि राष्ट्रिय अभियान घोषणा गर्न आग्रह गरेको छ ।
समाजको प्रतिनिधिमण्डलले आज प्रधानमन्त्री पुष्पकमल दाहाललाई भेटी अभियान घोषणा गरि प्रधानमन्त्रीको अध्यक्षतामा आगुऔषध मदिरा दुव्र्यसनी रोकथामको उद्देश्यसहित विशेष निकाय गठन गर्न पनि आग्रह गरेको छ ।
प्रधानमन्त्री दाहालले दुव्र्यसन नियन्त्रणका लागि कार्ययोजनाले सकारात्मक भूमिका निर्वाह गर्ने विश्वास व्यक्त गर्दै समाजले दिएका सुझावलाई सरकारले कार्यान्वयन गर्ने बताउनुभएको समाजका अध्यक्ष गङ्गाधर अधिकारीले बताउनुभयो ।
अध्यक्ष अधिकारीले लागुऔषध तथा मदिरा दुव्र्यसनले महामारीको रुप लिन लागिरहेकाले यसको अगाडि नै रोकथामका लागि राष्ट्रिय कार्ययोजना तयार पार्नुपर्ने बताउनुभयो ।
प्रधानमन्त्रीसँगको भेटमा समाजका संस्थापक सभापति कृष्ण पहाडी, सभापति गङ्गाधर अधिकारी, संस्थापक सदस्य कृष्ण कँडेल, उपसभापति रेनुका पौडेल र महासचिव उत्तम पुडासैनी लगायतको सहभागिता थियो ।
