काठमाडौं ।
मानसिक तथा मनोसामाजिक सुस्वास्थ्उको लागि राष्ट्रिय अभियानले आज काठमाडौंमा तेस्रो एक दिने मनोसामाजिक स्वास्थ्य तालिम सम्पन्न गरेको छ । मनोसामाजिक स्वास्थ्यको बारेमा सचेतना बढाउने उदेश्यले गठित अभियानले स्वयंसेवकहरु परिचालन गर्न आज मनोसामाजिक स्वास्थ्य तालिम संचालन गरेको हो ।
देश भरि मनोसामाजिक समस्याको सचेतना अभिवृद्धि गर्नको लागि संगठित अभियानको रुपमा सुरु गरिएको अभियान अर्न्तगत जिल्ला जिल्लामा अभियानकर्ताहरुको छनौट गर्ने काम जारी रहेको अभियानका संयोजक मनोविद् गोपाल ढकालले बताए ।
मनोसामाजिक समस्यामा रहेका व्यक्तिहरु घर परिवार तथा सामाजिक वेवास्ता तथा सामाजिक कलंकका डरले लुकाउने प्रचलन रहेकोले यसको विरुद्ध व्यापक र संगठित प्रयासको आवश्यकता महशुष गरी अभियान शुरु गरिएको हो।
अभियानलाई बलियो रुपमा समाजमा लैजान अनुभवि अभियन्ताहरुको आवश्यक रहेकाले अभियानले इच्छुक व्यक्तिहरुलाई तालिम दिंदै आएको र आगामी दिनमा पनि यस्ता तालिमहरु गर्दै लैजाने संयोजक ढकालले बताए
