एजेन्सी । विश्वकै १२ औं धनी तथा गुगलका फाउण्डर लैरी पैजले उड्ने कार निर्माणको परियोजना तीव्र गतिमा चलाईरहेको खुलेको छ ।
उनले गोप्य रुपमा सन् २०१० बाट चलिरहेको यो परियोजना अन्तर्गत अहिले सम्म झण्डै १० करोड डलर बराबर खर्च भईरहेको बताईएको छ ।
४ जना सम्म बस्न मिल्ने यो कार गुड्ने र उड्ने दुवै क्षमताको हुने छ ।
यस फलाईगं कारमा कम्युटर अपरेटेड सिस्टम जडान गरिएको छ,जसले फ्लाईट मोडलाई कन्ट्रोल गर्दछ । तपाई जहा जान चाहनुहुन्छ त्यो लोकेसन सेट गरे पछि सो कार आफै उड्ने छ र गन्तव्यमा पुगे पछि आफै ल्याण्ड हुने छ ।
यसलाई हाईब्रिड ईलेक्ट्रीकल कार भनिएको छ । जसमा फोल्डिङ गर्न मिल्ने गरी बनाईएको छ । यो उड्न र गुड्न दुवैमा उत्तिकै सुविधा युक्त हुने कम्पनीले दावी गरेको छ ।३ सय हर्स पावरको क्षमता भएको यो कारलाई चार्ज गर्नू पर्ने हुन्छ । यसका लागि विभिन्न स्टेसन बनाउनु पर्ने हुन्छ । एक पटक फुल चार्ज भए पछि ३ सय २० किलो मिटर प्रतिघण्टाका दरले ८ सय किलोमिटर सम्म दौड्न सक्ने छ ।
