काठमाडौ ,२७ कार्तिक ।
आज विश्व निमोनिया दिवस, नेपालमा पनि विभिन्न कार्यक्रमको आयोजना गरी मनाइदैछ । निमोनियाविरुद्ध जनचेतना जगाउने उदेश्यले सन् २००९ देखि यो दिवस मनाउन थालिएको हो ।
दिवसका अवसरमा स्वास्थ्य क्षेत्रमा काम गर्ने विभिन्न संघ संस्थाहरुले विविध कार्यक्रमको आयोजना गरेका छन् । राजधानीमा बाल स्वास्थ्य महाशाखा, टेकुले आज विषेश कार्यक्रमको आयेजना गरेको छ ।
विभिन्न किसिमका सुक्ष्म जिवाणु र किटाणुबाट फोक्सोमा हुने संक्रमण नै निमोनिया हो । पाँच वर्ष मुनिका बालबालिकामा निमोनिया वढी हुने गरेको छ ।
हरेक वर्ष विश्वमा १६ लाख भन्दा वढी बालबालिकाहरुको मृत्यु हुने गरेको तथ्याङक छ भने नेपालमा निमोनियाका कारण बर्षेनी पाँच हजार ६०० बालबालिकाको मृत्यु हुने गरेको छ ।
पुरा मात्रामा खोप लगाउने, पोषणयुक्त खानेकुरा खाने र जन्मेको एक घण्टा भित्र नवजात शिशुलाई स्तनपान गराए बालवालिकालाई निमोनियाबाट बचाउन सकिने चिकित्सकहरु बताउछन् ।
