काठमाण्डौ ,५ वैशाख ।
सरकारले आजदेखि देशभर पोलियो विरुद्धको नयाँ खोप बिओपिभी दिने भएको छ ।
बालस्वास्थ्य महाशाखा अन्तर्गतको खोप शाखाका अनुसार आजदेखि देशभरका खोप केन्द्रले पोलियो विरुद्धको पुरानो खोप टिओपिभीको सट्टा नयाँ बिओपीभी खोप दिने भएको हो ।
टिओपिभीको साटो बिओपिभी खोपलाई नियमित कार्यक्रममा राखिएको जानकारी दिदै खोप शाखा प्रमुख मुुकन्द गौतमले यो खोप बालबालिकालाई तीन पटक दिनुपर्ने बताउनु भयो ।
जन्मेको पहिलो ६ हप्ता, त्यसपछि १० हप्ता र १४ हप्तामा बिओपिभी खोप दिनु पर्ने खोप शाखा प्रमुख गौतमले बताउनुभयो । राष्ट्रिय खोप तालिकाअनुसार यो खोप सबै क्षेत्र र ठाउँमा समेट्ने गरि १६ हजार केन्द्रबाट दिइने छ ।
यो खोप देशका सबै क्षेत्रमा पु¥याउन सरकारले २ महिनादेखि तयारी गर्दै आएको थियो । यस्तै पुरानो खोपलाई अबको दुई हप्ताभित्र सबै क्षेत्रबाट संकलन गरिसक्ने बाल स्वास्थ्य महाशाखाले जनाएको छ ।
