पोखरा,४ भदौ ।
पश्चिमाञ्चल क्षत्रिय अस्पतालमा बिरामीका लागि प्रदान गरिदै आएको फार्मसी सेवा बन्द भएपछि बिरामीहरु मर्कामा परेका छन ।
यस अघि अस्पतालले निजि क्षेत्रलाई फार्मसी सञ्चालनको ठेक्का दिने गरेपनि पछिल्लो समय अदालतले अस्पताल आफैले फार्मसी सञ्चालनको लागि आदेश दिएपछि निजि फार्मसी बन्द भएको थियो ।
केही महिना अगाडी एक फार्मसीलाई ठेक्का दिईसेकेपछि अदालतले निजि क्षेत्रलाई फार्मसी सञ्चालन गर्न दिन रोक लगाएको थियो । अस्पताल प्रसासनले भने ठेक्का दिईसकीएकोले रोक्न नमिल्ने भन्दै लविङ्ग गरीरहेको छ ।
अदालतमा परेको रिटको अन्तिम फैसला बाँकी भएपनि अन्तरीम आदेश मार्फत निजि क्षेत्रलाई फार्मसी सञ्चालनको लागि अनुमति नदिन अदालतले आदेश दिएपछि अस्पताल अप्ठेरोमा परेको छ । स्पष्ट रुपमा आफै फार्मसी सञ्चालनको लागि आदेश गरेपनि अस्पतालले भने फार्मसी सूरु गरेको छैन ।
आफुहरु संग फार्मसी सञ्चालन गर्ने क्षमता नभएकोले तत्काल सञ्चालन गर्न नसक्ने अस्पतालका मेडिकल सुपरीटेन्डेन डा। श्रीकृष्ण श्रेष्ठले बताए । फार्मसी सञ्चालनको तयारी भैरहेको र केही समयपछि सुरु गरीने उनको भनाई छ ।
अस्पताल हातामा भएको औषधी पसल बन्द भएपछि सेवाग्राहीहरु भने असुबिधा भोग्न बाद्य भएका छन । औषधी किन्न १० मिनेट हिडेर अस्पताल परिसर भन्दा बाहिर रहेको फार्मसी पसलमा जानुपर्ने बाद्यता छ । आपतकालीन औषधी किन्न पर्ने बिरामीहरुको लागि अत्यन्त अप्ठेरो परेको अस्पतालमा उपचारका लागि आएका बिरामीका आफन्तहरुले गुनासो गरेका छन ।
केही दिन अगाडी स्याङ्गजा जिल्ला घर भएका एक बालकको औषधी किनेर ल्याउदै गर्दा मृत्यु भएको मृतकका आफन्तहरुले बताएका छन ।
दिनरात जति बेला पनि औषधी किन्नुपर्ने र अपरेशन थियटरमा भएका बिरामीहरुको लागि आबस्यक पर्ने आपतकालिन औषधीहरु किन्न समेत गेट बाहिर भएका औषधी पसलहरुमा जानु पर्ने भएकाले सेवाग्राहीहरुले अप्ठेरो भोग्न परेको छ ।
औषधी जस्तोे संबेदनशिल बस्तुमा समेत अस्पताल प्रसासनले बेवास्था गरेको छ ।
