भक्तपुर ।
नेपाल रेडक्रस सोसाइटी सिपाडोल उपशाखाको आयोजना तथा नमस्ते नेपाल समाज भक्तपुरको सहआयोजनामा रक्तदान कार्यक्रम भएको थियो ।
हिन्दुहरुको पवित्र स्थान डोलेश्वर केदारनाथ धाममा भएको कार्यक्रममा महिला १३ जना गरि कुल ७० जनाले रक्तदान गरेको नमस्ते नेपाल समाज भक्तपुरका अध्यक्ष दिपेन्द्र कुमार थापाले जानकारी दिनु भयो ।
उक्त रक्तदान कार्यक्रममा नेपाल रेडक्रस सोसाइटी भक्तपुर शाखाका उपसभापति किरण थापाको प्रमुख आतिथ्यतामा सम्पन्न भएको थियो ।
समाजका अध्यक्ष थापाले खेर जाने रगत दान गरे, रगतको अभावमा ज्यान गुमाउनु पर्ने अवस्थाको अन्त्य गर्ने उद्देश्यले रक्तदान कार्यक्रम आयोजना गरिएको बताउनु भयो ।
यस अघि नमस्ते नेपाल समाज भक्तपुरले सिन्धुपाल्चोक जिल्लाको ठुलो पाखर गाविस वडा नं ५ का स्थानिय महिलाहरुलाई सामुदायिक महिला भवन करीव ६० हजारको लागतमा तयार गरि हस्तान्तरण गरेको समाजका अध्यक्ष थापाले बताउनु भयो ।
