काठमाडौं, ३२ जेठ ।
गर्मी मौसममा फलफूल र पेय पदार्थ खाँदा सावधानी अपनाउनसुझाव दिएका छन् ।
गर्मीको महिनामा शितलका लागि खाइने फलफूल, जुस र पेय पदार्थले स्वास्थ्यमा हानी पुर्याउन सक्ने भन्दै डाक्टरले सावधानी अपनाउन यस्तो सुझाव दिएका हुन् ।
सडकपेटीमा फलफूल नछोपीकन र सफा पानीले नपखाली राखिने भएकाले त्यस्ता ठाउँका फलफूल खान भनिएको छ । गर्मी हुने बित्तिकै बजारमा पाइने पेय पदार्थ नखान पनि डाक्टरको सल्लाह छ ।
यसैबीच एकहप्ता यता बालबालिकामा झाडापखाला र आउँको समस्या बढ्दै गएको पाइएको छ ।
सडकपेटीमा राखिएका खानेकुरा र दूषित पानीको प्रयोगका कारण झाडापखाला र आउँका विरामी बढेको कान्ति बाल अस्पतालका बाल रोग विशेषज्ञ डाक्टर गणेश राईले बताउनुभयो ।
अहिले झाडापखाला र आउँका ३ देखि ४ सय बिरामी उपचारका लागि पुग्ने गरेको कान्ति अस्पतालले जनाएको छ । खानेकुरा, पिउने पानी र सरसफाईमा ध्यान दिन सके यस्ता रोगबाट बच्न सकिने डाक्टरहरुको सुझाव छ ।
