रौतहट साउन २८ । नेपाल उद्योग वाणिज्य महासंघका केन्द्रीय सदस्य एवं कृषि उद्यम केन्द्रका अध्यक्ष अरुण राज सुमार्गीले परम्परावादी कृषि प्रणालीबाट मात्र देशको आर्थिक समृद्धि हासिल हुन नसक्ने बताएका छन् ।
नेपाल उद्योग वाणिज्य संघ चन्द्र निगाहपुर नगरको अधिवेशनमा बोल्दै सुमार्गीले कृषिलाई नयाँ नयाँ प्रविधिसँग जोड्दै आधुनिकिकरण गर्नु पर्ने र नयाँ नयाँ उत्पादनलाई देशसँग जोड्नु पर्ने र आफूले पनि त्यसमा काम गरिरहेको बताए ।
सुमार्गीले तराई उर्वर भूमि भएकाले सिचाई, प्रविधि सबै व्यवस्थापन गर्न सके उत्पादन वृद्धि हुने पनि बताए ।
आफूले कृषि उद्यम केन्द्रबाट प्रशिक्षकहरु पठाएर भए पनि यस क्षेत्रको प्रवद्र्धनका लागि व्यवशायीहरुलाई सहयोग गर्ने बताए ।
उनले अधिवेशनबाट निर्वाचित पदाधीकारीहरुलाई बधाई ज्ञापन गर्दै कार्यकाल सफल बनाउदै सबै क्षेत्रलाई समेटेर अघि बढ्न पनि सुझाव दिए ।
