काठमान्डौ ,मंसिर २३ ।
सुर्खेतमा आजबाट कर्णाली एक्स्पो अन्तर्रा्ष्ट्रिय व्यापार मेला शुरु हुँदैछ । मेलाको उद्घाटन प्रधानमन्त्री पुष्पकमल दाहालले दिउसो २ बजे गर्ने बताइएको छ ।
पर्यटन बोर्डको सहयोग र सुर्खेत उद्योग वाणिज्य संघको आयोजनामा हुन लागेको कर्णाली एक्स्पो अन्तर्रा्ष्ट्रिय व्यापार मेला आगामी पुस तिन गते सम्म सञ्चालन हुने छ ।
मध्यपश्चिमको प्रमुख पर्यटकीय क्षेत्रका रूपमा रहेको रारा ताल तथा छिमेकी जिल्ला दैलेखको धार्मिक तथा ऐतिहासिक स्थलको अवलोकनका लागि सडक तथा हवाई मार्ग (हेलिकोप्टर) समेतको प्याकेज एक्स्पोको आकर्षण रहने आयोजकले जनाएको छ ।
मेलामा छिमेकी मुलुक भारत, पाकिस्तान र बङ्गलादेशका उत्पादनको ३० अन्तरराष्ट्रिय स्टल रहने छ । साथै स्थानीय उत्पादन, कला संस्कृति, पहिरन र परिकार सम्बन्धी सामग्रीलाई प्रदर्शनीमा राखिने छ ।
प्रदर्शनीले विभिन्न देशका व्यवसायीबीच व्यापार विस्तार, प्रविधि हस्तान्तरण, आयत निर्यात तथा पर्यटन प्रवद्र्धनमा टेवा र्पुयाउने अपेक्षा लिइएको आयोजक सुर्खेत उद्योग बाणिज्य संघका अध्यक्ष प्रकाश अधिकारीले बताउनु भयो ।
करीब ३ लाख दर्शकले मेला अवलोकन गर्ने अपेक्षा गरिएको छ ।
