‘फर्की हेर मेरो जीवन’ गीतका गायक भुटियाको निधन


द हिमालयन ब्यान्डका गायक नोर्देन तेन्जिङ भुटियाको निधन भएको छ । सन् २००६ देखि घाँटीको क्यान्सरले थला परेका उनको सोमवार बेलायतको अल्डरसटस्थित निवासमा निधन भएको हो ।

सन् १९८२ मा ‘फर्की हेर मेरो जीवन’ गीतबाट आफ्नो गायिकी जीवनको सुरुवात गरेका उनका गाजलुले आँखा छोप्ने, मुसुमुसु हाँसिदेउ न लैलै, मायाले माया गाँसी देउ, फर्की हेरेँ, चिसो बतासले, मलाई धेरै धेरै माया चाहिन्छलगायतका गीत लोकप्रिय छन् ।

उनले सन् १९७१ मा बेलायती सेनामा भर्ती भएपछि सन् १९७३ मा साथीहरु विजय थापालगायतसँग मिलेर ‘हिमालय ब्यान्ड’ खोलेका हुन् । उनका दुई छोरी, एक छोरा र श्रीमती छन् ।

मङ्ल, साउन २१, २०७६ मा प्रकाशित

यसमा तपाइको प्रतिक्रिया