प्रसिद्ध गायक उदितनारायण झालाई ज्‍यान मार्ने धम्की


एजेन्सी, १३ साउन।  प्रसिद्ध गायक उदितनारायण झालाई ज्‍यान मार्ने धम्की आएको छ। उनलाई करीब दुई हप्तादेखि बिहारको नम्बरबाट धम्की आएको भारतीय सञ्‍चारमाध्‍यम भाष्कर डटकमले जनाएको छ।

भाष्कर दैनिकका अनुसार बारम्बार मार्ने धम्की आएपछि उदितनारायण झाले मुम्बइस्थित अम्बोली प्रहरीसँग ज्‍यान सुरक्षाको माग गरेका छन्। उनले प्रहरीमा उजुरी दिएलगत्तै प्रहरीले छानबिन सुरु गरेको छ।

झालाई धम्की दिने व्‍यक्ति विहारका लक्ष्मण नाम गरेका व्यक्ति हेकेा प्रहरीले जनाएकाे छ ।  प्रहरी अधिकारी भरत गायकवाडले उदितलाई हप्तामा चार-पाँच पटक फोन गरेको बताएका छन्। उनका अनुसार संदिग्धको नाम लक्ष्मण रहेको र उसले नै उदितनारायणलाई मार्ने धम्की दिएको हो। तर उनले उदितसँग पैसाको माग भने नगरेको प्रहरीको भनाइ छ।

यस्तै प्रहरीले उदित नारायणको बिल्डिङमा बस्‍ने सेक्युरिटी गार्ड बिहारकै रहेको बताएको छ। उनले १७ जुलाइमा दोस्रो पटक र २३ जुलाइमा तेस्रो पटक फोनबाट धम्काएका थिए।

सोम, साउन १३, २०७६ मा प्रकाशित

यसमा तपाइको प्रतिक्रिया