प्रहरी हिरासतमा रहेकी महिला नेतृ बन्धु चन्दलाई मातृशाेक, विप्लवद्वारा श्रद्वाञ्जली व्यक्त


काठमाडौँ, १ जेठ । नेपाल कम्युनिस्ट पार्टीकी केन्द्रीय सदस्य तथा अखिल नेपाल महिला सङ्घ क्रान्तिकारीकी केन्द्रीय अध्यक्ष बन्धु चन्दलाई मातृशोक परेको छ । चन्दकी आमा मनकुमारी शाहको यही वैशाख २७ गते उपचारका क्रममा बाँकेको नेपालगन्जमा मृत्यु भएको हो । उनी लामो समयदेखि खुट्टा भाँचिएर उपचाररत थिइन् ।

ने.क.पा. नेतृ चन्द भने प्रहरी हिरासतमै छिन् । उनीमाथि आगजनी र विष्फोटको कसुरमा अनुसन्धानका भन्दै रिहाईपछि पनि पटपकटक गिरफ्तार गरी विभिन्न जिल्ला घुमाइरहेका छन् ।

फागुन ११ गते गिरफ्तार उनी अछामबाट जिल्ला अदालतको आदेशमा फागुन २९ मा धरौटीमा रिहा भएलगत्तै पुनः गिरफ्तार भई बाँकेको कोहलपुर पुर्याइएकी थिइन् । त्यहाँ अगजनीको कसुरमा मुद्दा चलाइएको थियो । त्यहाँबाट उनलाई साधारण तारेखमा रिहा गरियो तर पुनः गिरफ्तार गरी बर्दिया पुर्याइयो । त्यहाँ बाँसगढीस्थित प्रहरी हिरासतमा राखियो । त्यहाँबाट पनि रिहा गरियो तर पुनः गिरफ्तार गरी कैलालै पुर्याइयो । हाल नेतृ चन्द कैलालीको टिकापुरस्थित प्रहरी हिरासतमा राखिइन् ।

त्यहाँबाट रिहाइपछि हाल गृह जिल्ला रोल्पा पुर्याइ जिल्ला प्रहरी कार्यालयमा संगठित अपराधको कसुरमा हिरासतमा बन्दी जीवन बिताइरहेकी छन् । शुरुमा उनलाई पार्टीले माघ १ बाट शुुरु गरेको दुई महिने ‘संगठन विस्तार तथा सुदृढिकीकरण अभियान–२’को बेला अछामको विनायकस्थित पुल्लेतोलाबाट फागुन ११ गते प्रहरीले गिरफ्तार गरेको थियो । त्यसअघि पनि उनी काठमाडौंबाट संघर्षका क्रममा पटकपटक गिरफ्तार पर्दै छुट्दै आएकी थिइन् ।

यसैबीच नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ ले मङ्गलबार पार्टीका तर्फबाट श्रद्धाञ्जली व्यक्त गरेका छन् । रोल्पाको सहिद स्मृति गाउँपालिका घोडागाउँ निवासी शाहको निधनले आफ्नो पार्टी मर्माहत भएको भन्दै महासचिव विप्लवले शोकाकुल परिवारप्रति समवेदना व्यक्त गरेका छन् ।

बुध, जेष्ठ १, २०७६ मा प्रकाशित

यसमा तपाइको प्रतिक्रिया

अन्य समाचार समाचार