विप्लव नेकपाका नेता पक्राउकाे बिराेध गर्दै वैद्यले भने -सरकारको फाँसीवादी व्यवहार निन्दनीय


काठमाडौं, ९ चैत ।

मोहन वैद्य ‘किरण’ नेतृत्वको नेपाल कम्युनिष्ट पार्टी (क्रान्तीकारी माओवादी) ले विप्लव नेतृत्वको नेपाल कम्युनिष्ट पार्टीका स्थायी समिति सदस्य हेमन्तप्रकाश ओली ‘सुदर्शन’ लाई गिरफ्तार गरिएकोमा आपत्ति जनाएको छ ।

क्रान्तिकारी माओवादीका महासचिव माेहन वैद्यले शनिबार साँझ  विज्ञप्ति जारी गरी ओलीसहितका नेताहरूकाे गिरफ्तारीप्रति आपत्ति जनाउनु भएकाे हाे ।

बिज्ञप्तीमा सरकारले हालै ओलीसहित नाै जनालाई गिरफ्तार गरिएको र यातना दिने क्रम बढ्दै गएको सरकारको यो फाँसीवादी व्यवहार निन्दनीय रहेको उल्लेख गरिएको छ ।

साथै सरकारले विप्लव नेतृत्वको नेकपामाथि लगाइएको प्रतिबन्ध तत्काल फिर्ता गर्नुपर्ने र ने.क.पा.सँग राजनीति व्यवहार गरेर समस्याको समाधान समेत आग्रह गरेको छ ।

विज्ञप्तिमा अन्त्यमा भनिएको छ – ‘समस्याको समाधान प्रशासनिक रुपमा होइन वार्ताद्वारा समाधान गर्न र नेता कार्यकर्ता पक्राउ गर्ने तथा यातना दिने कामलाई अविलम्ब रोक्न हाम्रो पार्टी सरकारसित जोडदार माग गर्दछ ।’

शनि, चैत्र ९, २०७५ मा प्रकाशित

यसमा तपाइको प्रतिक्रिया

अन्य प्रमुख खबर समाचार

Like us On Facebook

Follow Us On Twitter