अर्ब पति मुकेशले भाईको ८ अर्ब त्रृण तिरेर जेल जानबाट बचाए


भारतीय अर्बपति मुकेश अम्बानीले अन्तिम समयमा आफ्ना भाइ अनिल अम्बानीलाई जेल जानबाट जोगाएका छन्।

अनिलले स्वीडेनको एरिक्सन कम्पनीलाई मंगलबारसम्म  ८० मिलियन डलर  (८ अर्ब ७७ करोड नेरू)  पैसा तिर्नुपर्ने थियो। उक्त रकम तिर्न नसेक उनी तिन महिनाका लागि जेल जान पर्ने सर्वोच्च अदालतको आदेश थियो।

मुकेशले समय सीमा सकिनु एक दिनअघि सोमबार अनिलको उक्त ऋण तिरिदिएका  हुन्।

सोमबार साँझ विज्ञप्ति जारी गर्दै अनिलले अफ्ठेरो पर्दा साथ दिएको भन्दै दाइ र भाउजु नीतालाई धन्यवाद दिएका छन्।

उनले आफ्नो परिवार विगतको तिक्ततालाई बिर्सेर नयाँ ढंगबाट अघि बढिरहेको बताए।

सन् २००२ मा बुवा धिरूभाइ अम्बानीको मृत्युपछि सम्पत्ति र व्यापारबारे यी दुई दाजुभाइ सार्वजनिक रूपमै झगडामा उत्रिएका थिए।

पछि भागबन्डा गरेर अनिलले टेलिकम र उर्जा क्षेत्र र मुकेशले तेल र पेट्रोकेमिकलको व्यापार पाएका थिए।

मङ्ल, चैत्र ५, २०७५ मा प्रकाशित

यसमा तपाइको प्रतिक्रिया