महारानी आयो बजारमाः मास्टर , शितल र कलाको हेर्नुहोस् लडाई


काठमाण्डौ ।
नजिकिदै गरेको हिन्दु नेपालीहरुको महान पर्व हरितालिका तीजको अवसरमा शितल शर्मा र शिव हमालले नयाँ तीज कोशेली महारानी लिएर आएका छन् ।

नेपाली परिवेशलाई समेटेर हास्यब्यङग्यात्मक रुपमा तयार पारिएको महारानीको म्युजिक भिडियो बजारमा आएको छ ।

तीजमा माईत जान खोज्ने बुहारी र रोक्न खोज्ने सासु तथा श्रीमानबीच हुने गरेको पारिवारीक झगडालाई म्युजिक भिडियोमा ठट्यौली पारामा उतारिएको यो गीतले नेपालको ग्रामिड भेगका महिलाहरुलाई बढी प्रतिनिधित्व गरेको पाईन्छ ।

शिव हमालको लय तथा शब्दमा रहेको गीतको म्युजिक भिडियोमा शितल शर्मा , राजु मास्टर तथा कला लम्सालले अभिनय गरेका छन् । दुर्गा पौडेलको निर्देशन, कुमार राना को मिक्सिङ र कुमार रानाको एरेन्ज रहेको महारानीको सम्पादन नबिन घर्ती मगरले गरेका हुन् भने शितल मिडियाले बजारमा ल्याएको मारुनी डिजिटलमा रेकर्ड गरिएको यो गीतको भिडियोको दृश्य निर्माण एकता फिल्मस्ले गरेको छ ।

गीतमा बोलिचालिकै भाषाको प्रयोग गरिएकोले पनि मिठास भरिएको छ ।

 

सोम, साउन ७, २०७५ मा प्रकाशित

यसमा तपाइको प्रतिक्रिया