नविन नगर उपभोत्ता तथा टोल विकास समितिको बनभोज कार्यक्रम (फोटो फिचर)

बनभोज कार्यक्रमले समाजलाई एकताबद्ध बनाउन मदत गर्छ : न्यौपाने


भक्तपुर । नविन नगर उपभोक्ता तथा टोल विकास समितिको पहिलो ऐतिहासिक बनभोज कार्यक्रम सम्पन्न भएको छ ।

मंसिर २ गते भक्तपुरको घ्याम्पे डाँडामा भएको कार्यक्रममा १५० भन्दा बढिको सहभागिता रहेको थियो । कार्यक्रममा द्यौसी–भैलो कार्यक्रम मार्फत् नविन नगरको विकासका लागि सहयोग पु¥याउने महानुभावहरुलाई प्रशंसा पत्र वितरण गरिएको थियो । कार्यक्रमका प्रमुख अतिथि तारकेश्वर नगरपालिकाको मेयर रामेश्वर बोहोरा थिए भने विशिष्ट अतिथिमा ९ नम्वर वडाका अध्यक्ष बलराम सिटौला थिए ।

कार्यक्रमको अध्यक्षता नविन नगर उपभोक्ता तथा टोल विकास समितिका अध्यक्ष रामशरण न्यौपानेले गरेका थिए भने कार्यक्रम सञ्चालन समितिका सचिव चेत नारायण न्यौपाने र सल्लाहकार समितिका सदस्य शिवहरि लामिछानेले गरेका थिए । कार्यक्रममा अतिथिहरुलाई समितिका सदस्य गीता कार्की र अम्विका शाहले खादा ओढाएर स्वागत गरेका थिए । कार्यक्रममा सःmाहकार समितिका सदस्यहरुको पनि बाक्लो उपस्थिति रहेको थियो । जसमा शिवहरि लामिछाने, बासुदेव भट्ट, श्रीकाजी महर्जन, खिला शर्मा दवाडी, विष्णु पौडेल र बसन्त श्रेष्ठ लगायतका सल्लाहकार समितिका सदस्यहरुको पनि उपस्थिती रहेको थियो ।

कार्यक्रममा प्रमुख अतिथिको हातबाट उपस्थित महानुभावहरुलाई प्रशंसा पत्र वितरण गरिएको थियो भने बाँकी रहेका महानुभावहरुको प्रशंसा पत्र वितरण गर्न समितिका अध्यक्षलाई एक मुष्ट रुपमा मेयरले प्रशंसा पत्र हस्तान्तरण गरेका थिए ।

प्रशंसा पत्र वितरण पछि मेयरले सभामा बोल्दै भनेका थिए – नविन नगर तारकेश्वरको नमुना वस्तीको रूपमा विकास गर्न लागेकोमा नयाँ कार्यसमितिलाई धन्यवाद दिएका थिए । नगरपालिकाको तर्फबाट उक्त क्षेत्रको समस्याहरुको समाधान गर्न आफुले सक्दो सहयोग गर्ने प्रतिवद्धता जनाएका थिए ।

नविन नगरका अध्यक्ष रामशरण न्यौपानेका अनुसार बनभोज कार्यक्रमले टोलमा एक अर्कासँग चिनजान, घुलमिल र सहयोग गर्ने भावनाको विकास हुने हुँदा यस्ताखाले कार्यक्रमको सुरुवात गरेका छौं । हरेक वर्ष १ पटक १५० घरकै बासिन्दाहरु एकै ठाउँमा बसेर रमाइलो गर्दै खानपिन गर्नाले एकवावद्ध समाज निर्माणमा सहयोग पु¥याउँछ ।

शनि, मंसिर ९, २०७४ मा प्रकाशित

यसमा तपाइको प्रतिक्रिया

अन्य फिचर न्युज समाचार

Like us On Facebook

Follow Us On Twitter