विमानस्थलको सुरक्षा प्रणालीबारे छलफल गर्ने निधीको भनाई

काठमाडौं, पुस २७, ।

सरकारले त्रिभुवन अन्तर्रा्ष्ट्रिय विमानस्थलबाटै ठूलो परिमाणमा सुन तस्करी हुन थालेपछि विमानस्थलको सुरक्षा र अन्तर समन्वयबारे गम्भीर छलफल थाल्ने भएको छ ।

सिंहदरबारमा आज बसेको संसदको अर्थ समितिको बैठकमा बोल्दै उपप्रधान एवं गृहमन्त्री विमलेन्द्र निधिले विमानस्थलको सुरक्षा प्रणालीसँगै अन्य विभाग र सरोकारवाला निकायसँगको समन्वयबारे विशेष छलफल गरिने जानकारी दिनुभयो ।

गत बिहीबार त्रिुभवन विमानस्थलबाट ३३ किलो सुन प्रहरीले बरामद गरेपछि संसदीय समितिले चासो देखाएको हो ।

गृहमन्त्री निधिले सुन कसको लागि ल्याइएको भन्ने पत्ता लगाउन प्रहरीलाई आवश्यक निर्देशन दिइसकेको जानकारी दिनुभयो । यसबारे नयाँ तरिकाले संगठित अपराध कसुर ऐन अन्तर्गत अनुसन्धान भइरहेको पनि उहाको भनाई छ ।

समितिले हिजै सोही विषयमा उपप्रधान एवं अर्थमन्त्री कृष्णबहादुर महरा, प्रहरी महानिरीक्षक उपेन्द्रकान्त अर्याल र राष्ट्रिय अनुसन्धानका प्रमुख दिलिप रेग्मीसँग पनि छलफल गरेको थियो ।

बुध, पुस २७, २०७३ मा प्रकाशित

यसमा तपाइको प्रतिक्रिया

Loading...