सन् २०२६ मा हुने विश्वकप फुटबलदेखि ४८ टिम सहभागी हुने

एजेन्सी २६ पौष ।  

फुटबलको सर्वाधिक लोकप्रिय प्रतियोगिता विश्वकप फुटबलमा सन् २०२६ देखि ४८ टिम सहभागी हुने भएका छन् । हाल ३२ टिम रहेकामा सन् २०२६ सम्म विश्वकप खेल्ने टिमको संख्या ४८ पुग्ने जनाइएको छ ।

स्वीट्जरल्यान्डको ज्यूरिचमा आज भएको फिफाको बैठकले उक्त निर्णय गरेको हो । यो सँगै विश्वकप फुटबलको अन्तिम चरण हुँदै आएका ६४ खेलको संख्या बढेर ८० पुग्नेछन् ।

त्यस्तै, विश्वकप सकिन ३२ दिन लाग्ने समेत जनाइएको छ । सन् १९९८ को फ्रान्स विश्वकपदेखि विश्वकपमा ३२ टिमले सहभागिता जनाउँदै आएका छन् ।

फिफा अध्यक्ष जियानी इन्फान्टिनोले फुटबललाई अझ बढी विस्तार गर्नका लागि र विश्वकपलाई थप रोमान्चक बनाउन टिम संख्या बढाइएको प्रतिक्रिया दिएका छन् ।

सन् १९३० को पहिलो विश्वकपमा भने १३ टिमले मात्र सहभागिता जनाएका थिए ।

मङ्ल, पुस २६, २०७३ मा प्रकाशित

यसमा तपाइको प्रतिक्रिया

Loading...