इरानका पूर्व राष्ट्रपति रफसन्जानीको निधन

एजेन्सी २५ पौष ।  

इरानका पूर्व राष्ट्रपति अलि अकबर हाशमी रफसन्जानीको ८२ वर्षको उमेरमा निधन भएको छ ।

हृदयघात भएपछि तेहरानस्थित एक अस्पतालमा भर्ना हुनु भएका उहाँको उपचारका क्रममा निधन भएको हो ।

सन् १९८० पछि उहाँलाई इरानमा शक्तिशाली नेताको उदयमान भएको मानिन्छ । १९८९ देखि १९९७ सम्म राष्ट्रपति पद सम्हाल्नु भएका रफसन्जानीले सन् २००५ मा भएको निर्वाचनमा हार व्यहोर्नु भएको थियो ।

पूर्व राष्ट्रपति रफसन्जानीको निधनमा शोक व्यक्त गर्दै इरान सरकारले तीन दिन राष्ट्रिय शोकको घोषणा गरेको अन्तर्राष्ट्रिय सन्चार माध्यमले जनाएका छन् ।

सोम, पुस २५, २०७३ मा प्रकाशित

यसमा तपाइको प्रतिक्रिया