लोकमानसंह कार्की पदमुक्त,आयोगको प्रमुख आयुक्त पदमा अयोग्य भएको ठहर

काठमाडौं ,पुस २४ ।
सर्वोच्च अदालतले लोकमान सिंह कार्कीको अख्तियार प्रमुखमा भएको नियुक्ति बदर गरि पदमुत्त गरेको छ ।

नियुक्तिका क्रममा योग्यता नपुगेको भन्दै अख्तियारका निलम्बित प्रमुख आयुक्त कार्की पदमुक्त हुने फैसला गरेको हो ।

कार्कीको योग्यता लगायतका बिषयमा परेका रिटमाथि आज फैसला सुनाउदै न्यायाधीश ईश्वरप्रसाद खतिवडा, डा आनन्दमोहन भट्टराई र अनिलकुमार सिन्हाको पूर्ण इजलासले कार्कीलाई पदमुक्त गरेको हो ।

यस्तै सर्बोच्वले राष्ट्रपति र संवैधानिक परिषदलाई अब योग्यता पुगेको व्यक्तिलाई अख्तियार प्रमुखमा सिफारिस र नियुक्ति गर्न पनि आदेश दिएको छ ।

आज शम्भु थापा, सुरेन्द्र भण्डारी, रमेश बडाल, टिकाराम भट्टराई, राजु चापागाई, मनकुमार कर्ण, दिनेश त्रिपाठी, बाबुराम दाहाल, ज्योती लम्साल पौडेल, कुनदेवी महर्जन र चन्द्रकान्त ज्ञवालीले प्रतिउत्तर बहस गर्नुभएको थियो ।

यही पुस ७ गतेबाट सुरु भएको बहस ८, २१, २२ हुदै आजसम्म चलेको थियोे ।
यसअघि कार्कीको नियुक्ति संविधान विपरीत भएको जिकिर गर्दै दायर गरिएको रिट निवेदनमा सर्वोच्चले एक वर्षपछि खारेज गरेकोमा अधिवक्ता अर्यालले पछिल्लो पटक पुनः सर्वोच्चमा रिट पुनरवलोकनका लागि निवेदन दिनुभएको थियो ।

अख्तियारका निलम्बित प्रमुख आयुक्त लोकमानसिंह कार्की विरूद्धको मुद्दामा सर्वोच्च अदालतमा आज सुनुवाई सकेको सर्वोच्चले उनको नियुक्ति बदर गरेको हो ।

आइत, पुस २४, २०७३ मा प्रकाशित

यसमा तपाइको प्रतिक्रिया