काँकरभिट्टा गोल्डकपको उपाधिका लागि आज एपीएफ र झापा भिड्दै

काठमाडौ २३ पौष ।  

झापाको काँकटभिट्टामा जारी दोस्रो काँकटभिट्टा गोल्डकप फुटबल प्रतियोगिताको फाइनल भिडान्त आज हुदैछ । प्रतियोगिताको उपाधिका लागि आज विभागिय टोली सशस्त्र प्रहरीको एपीएफ र रमपम झापा ११ बीच प्रतिस्पर्धा हुनेछ ।

प्रायः धेरै गोल्डकपका फाइनल प्रतियोगितामा आमनेसामने हुने गरेका यी दुई टिम उपाधि जित्ने दाउमा छन् । वनविज्ञान खेल मैदानमा आज दिउँसो हुने खेलमा दुवै टोली अपाधि आफ्नो कब्जा गर्ने दाउका साथ मैदान उत्रदैछन् ।

आफ्नो टिमको सेट मिलेको र नियमित प्रशिक्षणमा पनि रहेकाले उपाधि आफूहरुले जित्ने एपीएफका प्रशिक्षक रत्नकाजी महर्जनले दावी गरेका छन् ।

उता रमपम झापा ११ पनि जुनसुकै हालतमा यो उपाधि जित्ने दाउमा छ । सिजनको पहिलो सुरुङ्गा गोल्डकपमा एपीएफसँग ट्राइब्रेकरमा पराजित बनेको झापा ११ ले त्यसको बदला लिनका पनि यो प्रतियोगिता जित्नुपर्ने दबाव छ ।

शनि, पुस २३, २०७३ मा प्रकाशित

यसमा तपाइको प्रतिक्रिया