संशोधन प्रस्ताव अघि बढाएर निर्वाचनमा जान मोर्चा सहमत

काठमाडौ १६ पौष ।  

व्यवस्थापिका संसदमा सरकारले दर्ता गराएको संविधान संशोधन प्रस्तावलाई अघि बढाएर स्थानीय तह निर्वाचन सम्बन्धि कार्यतालिका निश्चित गर्ने विषयमा मधेशी मोर्चा सहमत भएको छ ।

आज बिहान प्रधानमन्त्री पुष्पकमल दाहालसँग भएको छलफलमा संविधान संशोधन प्रस्तावलाई अघि बढाएर स्थानीय, प्रादेशिक र संघीय निर्वाचनमा जान मोर्चाले सहमति जनाएको हो ।

बालुवाटारस्थित प्रधानमन्त्रीको सरकारी निवासमा भएको छलफलमा प्रधानमन्त्री दाहालका साथै मधेसी मोर्चाका नेताहरु महन्त ठाकुर, राजेन्द्र महतो, महेन्द्र राय यादव लगायत सहभागी हुनुहुन्थ्यो ।

छलफलमा मुलुकको पछिल्लो राजनितिक अवस्था, संसदको जारी गतिरोध, संशोधन विधेयक, स्थानीय निर्वाचन, लगायतका विषयमा कुराकानी भएको प्रधानमन्त्रीको निजी सचिवालयले जनाएको छ ।

शनि, पुस १६, २०७३ मा प्रकाशित

यसमा तपाइको प्रतिक्रिया

Loading...