एथ्लेटिक्समा आर्मीकी सरस्वतीलाई स्वर्ण

काठमाडौ ११ पौष ।
सातौँ राष्ट्रिय खेलकुद प्रतियोगिता अन्तर्गत एथेलेटिक्समा आर्मीकी सरस्वती भट्टराईले तेस्रो स्वर्ण पदक हात पारेकी छिन् ।

आज विहान भएको ८ सय मिटर दौडमा आर्मीकै सानुमाया कार्कीलाई पछि पार्दै सरस्वतीले प्रतियोगितामा तेस्रो स्वर्ण पदक हात पारेकी हुन् ।

उनले ८ सय मिटरको दूरी २ मिनेट १९ दशमलव ४२ सेकेण्डमा पूरा गरिन् । आर्मीकै सानुमायाले २ मिनेट २५ दशमलव ५६ सेकेडमा दूरी पार गरेर रजत पदक जितिन् ।

सुदूरपश्चिमकी १५ वर्षकी सिमा कुमारी चौधरीले कास्य पदक हात पारिन् । इटहरीमा रहेको रङ्गशालामा खाली खुट्टामा दौडिएकी चौधरीले २ मिनेट ३१ दशमलव ६२ सेकेण्डमा ८ सय मिटरको दूरी पार गरिन ।

यस अघि सरस्वतीले १५ सय मिटर र ४ गुणा ४ रिलेमा स्वर्ण जितेकी थिइन् ।

सोम, पुस ११, २०७३ मा प्रकाशित

यसमा तपाइको प्रतिक्रिया

Loading...