पेट्रोल, डिजेल र मटितेलको मूल्यमा साढे ४ रुपैयाँले बढ्यो, ग्यास र हवाई ईन्धनको यथावत

काठमाण्डौ ,पुस ४ ।
इन्धनको मुल्य प्रतिलिटर साढे ४ रुपैया बढेको छ । नेपाल आयाल निगमले पेट्रोल, डिजेल र मटितेलमा प्रतिलिटर ४ रुपैयाँ ५० पैसाले बृद्धि गरेको हो ।

भारतिय आयल निगम(आइओसी)ले पठाएको नयाँ मूल्यसूचि अनुसार बढेको मुल्य आईतवार रातिदेखि नै लागु भईसकेको निगमका प्रवक्ता भानु खनालले बताउनु भयो ।

नयाँ मूल्य लागु भएपछि प्रतिलिटर पेट्रोल १ सय १ रुपैयाँ ५० पैसा, डिजेल र मटितेल ७७ रुपैयाँ ५० पैसा पर्नेछ । यसअघि प्रतिलिटर पेट्रोलको मुल्य ९७ रुपैयाँ, डिजेल र मटितेल ७३ रुपैयाँ थियो ।

खनालका अनुसार आइओसीले खुद्रा मुल्य बढाएकाले निगमले पनि मूल्य बढाउनु परेको हो । खाना पकाउने एलपी ग्यास र हवाई इन्धनको मूल्यमा भने यथावत राखेको छ ।

हाल खाना पकाउने एलपी ग्यासको प्रतिसिलिन्डर मूल्य १३ सय २५ रुपैयाँ छ । यसअघि निगमले मंसिरमा हवाई इन्धनको मूल्य प्रतिलिटर ८ रुपैयाँ घटाएको थियो । प्रतिलिटर हवाई इन्धन (आन्तरिक तर्फ) ८६ रुपैयाा र अन्तर्रा्ष्ट्रिय तर्फ प्रतिहजार ७ सय ५० डलर छ ।

सोम, पुस ४, २०७३ मा प्रकाशित

यसमा तपाइको प्रतिक्रिया

Loading...