४३ सयको हवाई जहाज चढ्न ४२ सयको ट्याक्सी भाडा ?

विराटनगर मंसीर ३० । शीर्षक हेर्दा के होला भन्ने पक्कै सोच्नु होला । तर यो साचो समाचार हो । मंसीर ३० गते विराटनगर विमानस्थलमा भेटिएका आदिवासी जनजाति महासंघका परिषद् सदस्य ईलामका किरण सुनुवारले झापा चन्द्रगढीबाट सौर्य एयरलाईन्सको काठमाण्डौं जाने टिकट १२ बजेका लागि काटेका थिए ।

तर दिनभरीमा पनि सो एयरलाईन्सले झ्यालको सिसामा ढुगा लागेको भन्दै उडान नगरे पछि यात्री र एयरलाईन्सका कर्मचारीबीच विवाद भए पछि सुनुवार हतार हतार विराटनगर ट्याक्सी लिएर लागे । उनले फोनबाटै टिकटको व्यवस्था गरेका थिए । विराटनगरबाट काठमाण्डौंको न्युनतम भाडा ४३ सय हाराहारी छ ।
उनले यही जहाज भेट्टाउन चन्द्रगढीबाट रिजर्भ गरेर ल्याएको ट्याक्सीको भाडा चाही ४२ सय परेको हो ।

लिम्वुवान बन्दले आज काठमाण्डौं आउन पाईदैन कि भन्ने भयले उनले त्यत्रो महंगो ट्याक्सी तिरेर राति नै विराटनगर आएर बसे पनि दिउसो सवा १२ बजेको विराटनगर काठमाण्डौंको बुद्ध एयरको उडान दिउसो सवा ३ बजे पछि मात्रै भएको थियो ।

उनी नेपाल आदिवासी जनजाति महासंघको चितवनमा पुष २ गतेबाट हुने नवौ महाधिवेशनका लागि जान लागेका हुन् । यस पटक सुनुवारले महासचिवमा उम्मेद्धारी दिने घोषणा गरेका छन् । तराईका विमानस्थलहरुमा बिहान अबेर सम्म बाक्लो हुस्सु लाग्ने भएका कारण यात्रुहरु समस्यामा पर्न थालेका छन् ।

बिहि, मंसिर ३०, २०७३ मा प्रकाशित

यसमा तपाइको प्रतिक्रिया