कपनस्थित रिलायन्स इन्टरनेसनल एकेडेमी तथा रिया साहित्य समाजद्धारा त्रिपाठी सम्मानित

काठमाडौँ,२५ मंसीर।

कपनस्थित रिलायन्स इन्टरनेसनल एकेडेमी तथा रिया साहित्य समाजले उपत्यकाव्यापी वक्तृत्वकला प्रतियोगिता, कवि गोष्ठी तथा साहित्य स्रष्टा सम्मान कार्यक्रममा प्रा.डा. वासुदेव त्रिपाठीलाई सम्मानित गरेको छ ।साहित्यकार प्रा. डा. केशव प्रसाद उपाध्यायको प्रमुख आतिथ्यमा सम्पन्न गोष्ठीमाद समालोचक प्रा.डा. त्रिपाठीलाई रू.२०,००५।– राशीको रिया साहित्य स्रष्टा सम्मान पुरस्कार अर्पण गरियो । काठमाडौँ उत्तर पूर्वी क्षेत्रका वरिष्ठ कवि, लेखक, साहित्यकार र समालोचक लगायत साहित्यका अनुरागीहरूको उल्लेख्य उपस्थिति रहेको यस समारोहमा कविहरू हेम प्रभाष, बलराम दाहाल, रामप्रसाद ज्ञवाली, नारायण नेपाल, नारायण निरासी, कोषराज न्यौपाने, कलानिधि दाहाल, प्रभाती किरण, जय गौडेल लगायत अन्य नयाँ प्रतिभाहरू समेत २५ जना भन्दा बढी कविहरूले कविता वाचन गरेका थिए ।

रिलायन्स इन्टरनेसनल एकेडेमी तथा रिया साहित्य समाजद्वारा वि.सं. २०६९ मा स्थापित यो पुरस्कार तथा सम्मान यसअघि क्रमशः डा. शैलेन्दु प्रकाश नेपाल, प्रा.डा. कुमार बहादुर जोशी, प्रा.डा. चुडामणि बन्धु र प्रा.डा. महादेव अवस्थीलाई प्रदान गरिएको थियो ।

शनि, मंसिर २५, २०७३ मा प्रकाशित

यसमा तपाइको प्रतिक्रिया

Loading...