Loading...

१५ हजार ८६१ घरको पुनःनिर्माण कार्य सुरु

काठमाडौं, मंसिर १७ ।

सहरी विकास मन्त्रालयले भूकम्पबाट क्षति भएका घरमध्ये अनुदान रकम पाईसकेका १५ हजार ८६१ घरको पुनःनिर्माण कार्य सुरु भएकोे जनाएको छ ।

मन्त्रालय केन्द्रीय आयोजना कार्यान्वयन एकाइका अनुसार मंसिर १५ सम्ममा भूकम्प अतिप्रभावित ११ जिल्लामध्ये सिन्धुपाल्चोकमा एक हजार ६२३, धादिङमा दुई हजार १६५, काभ्रेमा एक हजार चार, नुवाकोटमा चार हजार ३३०, गोरखामा एक हजार २७१, दोलखामा दुई हजार ८९० घर पुनःनिर्माण सुरु गरिएको हो ।

यस्तै, रामेछापमा ८५१, सिन्धुलीमा १२६, मकवानपुरमा ६१२, ओखलढुंगामा ४७३ र रसुवामा ५१६ घर पुनःनिर्माण भइरहेको छ ।

हालसम्म पाँच लाख २७ हजार ४६६ घरधनीसँग अनुदान सम्झौता भईसकेको छ । त्यसमध्ये उपत्यकाका काठमाडौं, भक्तपुर र ललितपुरमा गरी ५३ हजार ४२५ घरधनीसँग रहेका छन् ।
अनुदान सम्झौता भएका उपत्यकाबाहिरका ११ जिल्लामा चार लाख ४४ हजार ४५२ घरधनीको बैंक खातामा पहिलो किस्ताबापत रु ५० हजार जम्मा गरिएको छ ।

राष्ट्रिय पुनःनिर्माण प्राधिकरणको केन्द्रीय कार्यालयमा एक लाख आठ हजार ७७ गुनासो दर्ता भएकामा व्यवस्थापन सूचना प्रणालीमा ८३ हजार ७१० वटाको गुनासो प्रविष्टि भएको छ ।

जसमध्ये ५४ हजार ३३६ जनाको गुनासो जाँच गरीे वर्गीकरण गरिएको प्रवक्ता रामप्रसाद थपलियाले जानकारी दिए । निजी आवास पुनःनिर्माण प्राविधिक निरीक्षण कार्य्विधि, २०७३ स्वीकृत भएर कार्यान्वयनमा आइसकेको छ ।

त्यस्तै, संघीय मामिला तथा स्थानीय विकास मन्त्रालयले मंसिर ८ गते सबै जिल्लाका स्थानीय विकास अधिकारी र नगरपालिकाका कार्यकारी अधिकृतलाई सामुदायिक समिति गठन, निरीक्षण कार्य्विधि, गुनासो सुनुवाइसम्बन्धी विधि, प्रक्रिया र जिम्मेवारीबारे जानकारी गराएको छ ।

यसमा तपाइको प्रतिक्रिया

Loading...