Loading...

इन्धन उत्पादन तथा निर्यातमा कटौती गर्ने ओपेकको निर्णय

एजेन्सी ,१६ मंसिर ।

पेट्रोलियम पदार्थ निर्यात गर्ने मुलुकहरुको संगठन ओपेक इन्धन उत्पादन तथा निर्यातमा कटौती गर्न सहमत भएको छ ।

इन्धनको मुल्य सन्तुलित बनाउन ८ बर्षपछि पहिलो पटक ओपेकले इन्धन उत्पादनमा कटौती गर्न सहमती जनाएके हो ।

यो सहमतीसँगै अन्तर्रा्ष्ट्रिय बजारमा कच्चा तेलको मुल्य बढ्ने भएको छ । २ बर्षसम्म लगातार इन्धनको मुल्यमा गिरावट आएर हाल सन् २०१४ को भन्दा आधा मुल्य कायम भएपछि यस्तो निर्णय गरिएको ओपेकले जनाएको छ ।

आगामी जनवरीदेखि प्रत्येक दिन १२ लाख व्यारेल इन्धन कटौती गर्ने सहमति भएको ओपेकका अध्यक्ष मोहम्मद बिन सलेह अल–सदाले बताउनुभयो ।

बजारमा आपूर्ती बढेकाले तेलको मुल्य घटेको ओपेकको भनाई छ । इन्धनको मुल्य घटेपछि तेल निर्यात गर्ने मुलुकहरुको अर्थतन्त्रमा ठूलो धक्का पुगेको छ ।

ओपेकमा आवद्ध मुलुकहरु इरान, इराक, कुवेत, साउदी अरब र भेनेजुएलाले इन्धन उत्पादनमा कटौती गरेपछि अन्य तेल उत्पादन गर्ने मुलुकहरुले पनि इन्धन उत्पादन प्रत्येक दिन ६ लाख व्यारेलले घटाएको बीबीसीले उल्लेख गरेको छ । अन्तर्रा्ष्ट्रिय बजारमा कच्चा तेलको मुल्य आज सामान्य घटेर प्रतिव्यारेल ४९ डलरको हाराहारीमा छ ।

यसमा तपाइको प्रतिक्रिया

Loading...