Loading...

सेउतीमा गाईमा ठोक्किएर खतरनाक मोटरसाईकल दुर्घटना, एकको मृत्यु

भरतराज शर्मा(गोपाल)

धरान १५ मंसीर । कोशी लोकमार्ग अन्तर्गत इटहरी खण्ड तर्फको सेउती पुल नजिकै मोटरसाइकल दुर्घटना हुदा चालकको मृत्यु भएको छ ।
आज दिउसो १ बजेतिर बाटोछेउमा गाईमा ठोक्किएर दुर्घटना हुदा चालक तेह्थुम म्यागलुङ ८ का अन्दाजी २५ वर्षीय पुष्पकुमार श्रेष्ठको उपचारको लागि बीपी कोइराला स्वास्थ्य विज्ञान प्रतिष्ठानमा ल्याउने क्रममा मृत्यु भएको हो । गाडीले ठक्कर दिए पछि मोटरसाईकल चालक मोटरसाईकलको हेडमा बेहेरिन पुगेका थिए ।
उनी इटहरीबाट आउँदै गरेका थिए । श्रेष्ठलाई उपचारका लागि प्रतिष्ठानको गेट ल्याइपुर्याउँदा नपुर्याउँदै मृत्यु भएको उपचारमा संलग्न चिकित्सकहरुले पुष्टी गरेको प्रतिष्ठान प्रहरी पोष्टका सई तिलक गिरीले जानकारी दिनुभएको छ ।

यसमा तपाइको प्रतिक्रिया

Loading...