Loading...

पृथ्वी राजमार्गमा पर्ने मोटरेवल पुलको मर्मत कार्य सुरु

काठमान्डौ ,मंसिर १५।
पृथ्वी राजमार्गमा पर्ने सानाठूला गरी दुई दर्जन मोटरेवल पुलको मर्मत कार्य सुरु गरिएको छ । पुल जीर्ण र कमजोर हुन थालेपछि ती पुलको मर्मत कार्य सुरु गरिएको हो ।

ती पुलहरुमा रङ्गरोगन गर्ने, लुज भएका नटबोल्ट टाइट गर्ने, वेल्डिङ गर्ने, दायाँ बायाँ बोर्ड राख्ने लगायतका काम हुने जनाइएको छ ।

उक्त पुल मर्मतका लागि लागि करिब ९ करोड रुपैया खर्च लाग्ने अनुमान गरिएको छ । यस वर्ष पृथ्वी राजमार्गको सबैभन्दा लामो ३७० मिटरको मादीनदी पुल, डाङडुङ पुल, हुक्दी पुल, अँधेरीखोला पुल, खानीखोला पुल लगायतका पुल मर्मत गरिनेछ ।

अवको तीन महिना भित्रमा नौविसे–पोखरा सडक खण्डमा पर्ने स–साना पुलहरु समेत मर्मत हुने बताइएको छ ।

यसमा तपाइको प्रतिक्रिया

Loading...