Loading...

कास्मीर स्थित भारतीय सेनाको शिबिरमा आक्रमण , ७ सैनिकको मृत्यु

मंसीर १३ एजेन्सी । भारत नियन्त्रित कास्मीरको नगरोटामा रहेको भारतीय सैन्य अखडामा विद्रोहीहरुले आक्रमण गर्दा कम्तीमा सात जना भारतीय सेनाको मृत्यु भएको छ । जसमा २ जना अफिसर र ५ जना जवान रहेका छन् ।
मंगलबार बिहानै शसस्त्र समुहले सैनिक क्याम्पमा आक्रमण शुरु गरेको भारतीय सेनाले जनाएको छ ।
सेनाले जवाफी कार्बाही र सर्च अप्रेसन जारी राखेको पनि जनाएको छ ।
कास्मीरकै उरीमा सेप्टेम्बर १८ मा १९ जना भारतीय सेनाको ज्यान जाने गरी भएको आक्रमण पछिको यो दोस्रो ठूलो आक्रमण हो ।
सेनाका प्रवत्ता कर्णेल मनीष मेहेताले चरमपन्थी विरुद्धको अप्रेसन भोली पनि जारी रहने र पूरै ईलाकालाई सेनाले घेरेको बताउनु भएको छ ।

यसमा तपाइको प्रतिक्रिया

Loading...