Loading...

एसीसी महिला क्रिकेटमा नेपालको लगातार तेस्रो पराजय, बंगलादेशसगँ ९२ रनको हार

काठमाडौं, मंसिर १४ । थाइल्यान्डको बैंककमा जारी एसिया कप महिला ट्वेन्टी–२० क्रिकेट प्रतियोगिता अन्तर्गत् नेपालले लगातार तेस्रो पराजय व्यहोरेको छ ।तेस्रो खेलमा बंगलादेशसगँ नेपाल ९२ रनको फराकीलो अन्तरले पराजीत भयो । टस जितेर पहिले ब्याटिङ गरेको बंगलादेशले निर्धारीत २० ओभरमा ४ विकेट गुमाएर १३३ रन जोड्यो ।
एक सय ३४ रनको बिजय लक्ष्य पछ्याएको नेपाल केबल ४१ रनमा १७.३ ओभरमा अलआउट भएको थियो । नेपालका लागि सिता रानाले १५ रन बनाउनु बाहेक अन्यले दोहोरो अंक जोड्न सकेनन् । ईन्दु बर्माले ९ तथा रुवीना क्षेत्रीले ७ रन जोडेकी थिईन ।
बंगलादेशका लागि निगर सुल्तनाले ३९ तथा सन्जिदा स्लामले ३५ रनको योगदान दिए । बलिङतर्फ नेपालकी संगीता राईले २ विकेट लिइन् ।यस अघि नेपाल पाकिस्तान र श्रीलकासगँ पराजीत भएको थियो ।

यसमा तपाइको प्रतिक्रिया

Loading...