Loading...

कामदारको बिमा अनिवार्य गर्नुपर्ने प्रस्ताव

काठमाडौं, मंसिर ५।
व्यावस्थापिका संसद अन्तरगतको अन्तराष्ट्रिय सम्बन्ध तथा श्रम समितिले श्रम कानुनमा कामदारको बिमा अनिवार्य गर्नुपर्ने व्यवस्थाको प्रस्ताव गरेको छ ।

समितिको आज बसेको बैठकले संचय कोषको व्यवस्था गरिनुपर्ने, सम्झौतापत्र बिना काममा लगाउन नपाइने व्यवस्था गरेको हो । आजको बैठकमा नयाँ श्रम कानूनको विषयका बारेमा दफावार छलफल भएको थियो ।

त्यस्तै हप्तामा ४८ घण्टाभन्दा बढी काममा लगाउन नपाइने, अधिकतम चार घण्टाभन्दा बढी ओभर टाइममा लगाउन नपाइने र साप्ताहिक बिदाबाहेक २० दिन काम गरेपछि अनिवार्य रुपमा एक दिन बिदा दिनुपर्ने व्यवस्था समेत प्रस्ताव गरिएको छ ।

त्यसैगरी विदेशी नागरिकलाई काममा लगाउँदा श्रम स्वीकृत अनिवार्य रुपमा लिनुपर्ने व्यवस्था समेत गरिएको छ । यस्तै छलफलका क्रममा श्रम तथा रोजगार मन्त्री सूर्यमान गुरुङले जतिसक्दो चाँडो कानून बनाउनुपर्नेमा जोड दिनु भयो ।

यसमा तपाइको प्रतिक्रिया

Loading...