Loading...

मलाई नेपालले खेल जीत्दा निकै गर्व अनुभूति हुन्छ : प्रधानमन्त्री

काठमाण्डौ मंसिर २ । प्रधानमन्त्री पुष्पकमल दाहालले मलेशियामा एएफसी सोलीडारीटी कप जीतेको नेपाली राष्ट्रिय फुटवल टोलीलाई बधाई तथा शुभकामना व्यक्त गर्नु भएको छ । सरकारी निवास वालुवाटारमा आज दिउसो एक कार्यक्रमका बीच उहाले खेलाडीहरुलाई बधाई ज्ञापन गर्नु भएको हो ।

सो अवसरमा बोल्दै उहाले अहिलेको दशरथ रंगशाला सानो भएका कारण यसलाई फराकीलो र ठूलो पार्ने उद्घोष गर्नु भयो । ’विनाशकारी भुकम्पले भत्किाए रंगशालाको पुननिर्माणको आह्वान भइसकेको भन्दै उहाले छिट्टै सम्पन्न हुने पनि विश्वास पनि दिलाउनु भयो ।

प्रधानमन्त्रीले यसअघि नै घोषणा भएअनुसार सोलिडारिटी कप विजेता नेपाली राष्ट्रिय टोलीका खेलाडीहरुलाई जनही तीन लाख रुपैयाँ पुरस्कार दिइने भनाई दोहोर्याउनु भयो । आफू पनि फूटबलप्रेमी भन्दै नेपालले फुटबल प्रतियोगिता जित्दा गर्व र गौरव लाग्ने गरेको उहाँले बताउनुभयो ।

प्रधानमन्त्रिले समग्र खेल क्षेत्र विकासका लागि सरकारको तर्फबाट काम अगाडि बढाइएको बताउनुभयो । ‘सोलिडारिटी कप जित्दा मलाई उत्साह थपेको छ’ प्रधानमन्त्री दाहालले भन्नुभयोे, ‘अब खेल क्षेत्रमा केही नयाँ पहल थाल्नेछु । खेलाडीका लागि सकारात्मक वातावरण हुने विश्वास दिलाउँछु ।

विगतमा म्याच फिक्सिङ, भ्रष्टाचारजस्ता तिता यथार्थ नेपाली खेल जगतले भोगेको स्मरण गराउँदै प्रधानमन्त्रीले अखिल नेपाल फुटबल संघ (एन्फा)ले अहिले सकारात्मक वातावरण बनाएको भन्दै एन्फा पदाधिकारी र कर्मचारीहरुलाई समेत धन्यवाद दिनुभयो । सोलिडारिटी कपमा मंगलबार मकाउलाई १–०ले पराजित गर्दै नेपाली खेलाडीहरु बुधबार स्वदेश आएका थिए ।

यसमा तपाइको प्रतिक्रिया

Loading...