Loading...

आतंकवादविरुद्ध लड्न अमेरीकी नव निर्वाचित राष्टपति ट्रम्पसँग सहकार्य गर्न सकिने सिरीयाका राष्टपति असादको भनाई

एजेन्सी १ मंसिर ।
सिरियाका राष्ट्रपति बसर अल असादले आतंकवादविरुद्ध लड्न अमेरिकाका नवनिर्वा्चित राष्ट्रपति डोनाल्ड ट्रम्पसँग सहकार्य गर्न सक्ने बताउनु भएको छ ।

ट्रम्पले चुनावी अभियानमा आतंकवादसँग लड्न गरेको प्रतिबद्धता पूरा गरे ट्रम्पसँग सहकार्य गर्न सकिने सिरियाली राष्ट्रपतिको भनाई छ ।

राष्ट्रपति असादले सिरियाप्रतिको वर्तमान अमेरिकी नीतिको आलोचना गरेको पोर्चुगलको सरकारी टेलिभिजनलाई उद्धत गर्दै विविसीले जनाएको छ । अमेरिकाले आफूलाई विश्वको पहरेदार ठानेको उहाँको आरोप थियो ।

अमेरिकाले अहिले सिरियामा सक्रिय आईएस र जिहादी विरुद्ध आक्रमण गरिरहेको छ भने असादविरुद्ध सक्रिय मध्यमार्गी विद्रोहीलाई सहयोग गरेको छ । असादले भने मध्यमार्गी विद्रोहीलाई आतंकवादी समुह भन्दै आउनु भएको छ ।

सिरियामा सन् २०११ को मार्च यता असादको शासन विरुद्ध चलेको संघर्षका कारण ३ लाखभन्दा भन्दा बढीको मृत्यु भइसकेको छ । आधा भन्दा बढी जनसंख्या युद्धका कारण आफ्नो थातथलो छाड्न बाध्य भएका छन् ।

यसमा तपाइको प्रतिक्रिया

Loading...