Loading...

मकाउलाई १–० ले हराउदै नेपालले जीत्यो पहिलो पटक एएफसी सोलीडारीटी कपको उपाधी

काठमान्डौ कात्तिक ३० । मलेसियामा आज सम्पन्न एएफसी सोलिडारीटि कपको उपाधि जीत्दै नेपालले फुटवलमा नया ईतिहास रचेको छ । ६२ वर्षको फुटबल ईतिहासमा यो नेपालको पहिलो ठूलो सफलता हो । नेपालले मकाउलाई दवदवापूर्ण खेलमा १–० को जीत निकाल्यो । कुचिङस्थित सारावाक स्टेडियममा भएको खेलमा नेपालका लागि ३० औं मिनेटमा भरत खबासको क्रसमा सुजलले जाली चुमाएका थिए ।
खेलमा नेपालले पाएका थुप्रै अवसरमा गोल गर्न सकेन । अन्जन विष्टको उत्कृष्ट प्रहार मकाउका गोल किपरले बचाएका थिए । बिमल घर्ती भरत खवास र नवयुग श्रेष्ठले पाएका अवसरमा गोल गर्न चुकेका थिए । नेपाल प्रतियोगीताभर अपराजीत समेत रह्यो । मैदान हिलाम्मे रहेका कारण खेलाडीले खुलेर खेल्न पाएका थिएनन् ।

नेपाली टोलीका मुख्य प्रशिक्षक ग्योतुको कोजीले नेपालको जीतमा खुसी व्यक्त गर्दै अझ धेरै गर्न बाकी रहेको बताउनु भयो ।
कोजीले नेपाली टिम सम्हाले पछि पहिलो प्रतियोगीतामै उपाधी हात लागे पछि उनी भाग्यमानी प्रशिक्षक समेत साबित भएका छन् । मकाउका प्रशिक्षक आओ सानले समेत नेपाली टोलीलाई बधाई दिए । उनले शुरु देखि नै युवा खेलाडीलाई मैदानमा छिराएका थिए । कप्तान अनील गुरुङलाई फाईनल म्याचको ईन्जुरी समयमा मात्र प्रवेश दिईएको थियो । उनको यो ४८ औं अन्तराष्ट्रिय क्याप हो । उपाधी बोकेर नेपाली टोली भोली स्वदेश फर्कने छ ।

यसमा तपाइको प्रतिक्रिया

Loading...