Loading...

वीरगन्ज पथलैया सडक खण्ड ६ लेनको बन्ने

काठमाडौ ३० कार्तिक ।
सडक विभाग, व्यापारिक मार्ग विस्तार आयोजना अन्तर्गत वीरगन्ज पथलैया सडक खण्डलाई ६ लेनको बनाउने काम सुरु भएको छ ।

५ अर्ब ६५ करोडको लागतमा पथलैयादेखि वीरगन्जसम्म २७ किलोमिटरको ब्यापारिक मार्ग सडक निर्माण गर्ने लक्ष्य छ । सडक आसपासको २५ मिटरभित्र पर्ने संरचना समेत हटाउन थालेसँगै सडक निर्माणले गति लिन थालेको हो ।

सडकलाई ६ लेनको बनाउन स्थानीयलेसमेत सहयोग गरेपछि निर्माण कार्यले गति लिन थालेको सडक योजना प्रमुख रवीन्द्रलाल दासले बताउनु भयो ।

६ लेनको मार्ग विस्तार कार्य योजनाअनुसार वीरगन्ज सुक्खा बन्दरगाह परवानीपुर–११ किमी दूरीको लागि तीन प्याकेजमा २ अर्ब ३८ करोड र परवानीपुर पथलैया करिब १६ किमी दूरीका लागि तीन प्याकेजमा ३ अर्ब २७ करोडको लागत स्टिमेटमा टेन्डर भएको थियो ।

सडक निर्माणका लागि नेपाल, भारत र चीनका ४४ वटा निर्माण कम्पनीले टेन्डर दर्ता गरे पनि नेपालकै चार वटा कम्पनीको स्वीकृत भएको थियो । यो सडकखण्ड पाँच वर्ष्भित्र पूरा गर्ने लक्ष्य छ ।

यसमा तपाइको प्रतिक्रिया

Loading...