Loading...

वैदेशिक रोजगार विभाग भोली पनि खुल्ने

काठमाडौं, कात्तिक २६।
श्रम स्वीकृति लिनेको भिड लागेकाले वैदेशिक रोजगार विभाग ताहचलमा भोलि पनि काम हुने भएको छ । गत मंगलबार देखि सफ्टवेयरमा आएको समस्या हिजो मात्र बनेको हो ।

सफ्टवेयर बनेपछि हिजो एकैदिनमा २१ सय जनाले श्रम स्वीकृति लिएको विभागका प्रमुख कृष्ण दुवाडीले जानकारी दिनु भयो । उहाँका अनुसार भिड बढेपछि गएराती साढे ११ बजेसम्म काम भएको थियो ।

अहिले पनि विभागमा झण्डै ५÷६ सय जना श्रम स्वीकृतिको लागि पुगेका छन् । श्रम स्वीकृतिको लागि भिड बढेपछि आज राती सम्म पनि काम हुने विभागले जनाएको छ ।

टिकट हुनेको राती सम्म पनि काम गर्ने विभागका प्रमुख दुवाडीले बताउनुभयो । तिहार र छठ जस्ता चाडपर्वको बिदाका कारण झण्डै ७ हजार श्रम इजाजतका फाइल थुप्रिएका उहाँले बताउनुभयो ।

समयमा श्रम स्वीकृति नहुँदा विदेश जाने तयारीमा रहेका धेरै युवा समस्यामा परेका छन् ।

यसमा तपाइको प्रतिक्रिया

Loading...

अन्य शिक्षा-रोजगार समाचार