Loading...

राष्ट्रबैंकद्धारा रिजर्भ बैंक अफ इन्डियालाई पत्रचार

काठमाडौं, कात्तिक २५ ।

नेपाल राष्ट्र बैंकले नेपालका बैंक ,बित्तय संस्था तथा सर्वासाधारणसँग रहेका प्रतिबन्धीत भारतीय रकमको व्यवस्थापन र बैंकिङ प्रणालीमा रहेको रकमबारे रिजर्भ बैंक अफ इन्डियालाई पत्र पठाएको छ ।

भारतले १ हजार र ५ सयका नोटमा प्रतिबन्ध लगाएपछि नेपालमा पनि सर्वसाधरणलाई समस्या भएपछि सो रकमको व्यावस्थापनका बारे आज पत्र पठाईएको राष्ट्र बैंकका सहप्रवक्ता राजेन्द्र पण्डितले जानकारी दिनुभयो ।

मुलुकका बैंक तथा वित्तीय संस्था र राष्ट्र बैंकबाट इजाजत प्राप्त सटही केन्द्रसँग एक हजार र ५०० दरका भारतीय नोट तीन करोड ३६ लाख ९० हजार रहेको बैंकले जनाएके छ ।

बैंक तथा वित्तीय संस्थासँग रहेको उक्त रकम नै अन्तिम भएको सहप्रवक्ता पण्डितले बताउनु भयो । मुलुकका बैंक तथा वित्तीय संस्थामा उक्त दरका नोटका ठूलो रकम नभएको तर सर्वसाधारणसँग ठूलो रकम भएको अनुमान गरिएको छ ।

भारतका प्रधानमन्त्री नरेन्द्र मोदीले मंगलबार राष्ट्रका नाममा सम्बोधन गर्दै जाली नोटलाई निरुत्साहित गर्न भारु ५०० र एक हजारका नोट पूर्णप्रतिबन्ध लगाउने घोषणा गर्नुभएको थियो ।

यसमा तपाइको प्रतिक्रिया

Loading...