Loading...

उ विद्यार्थी हो

अर्जुन दाहाल

हिजो ,

देश को मेरुदण्ड

भविष्यको कर्णधार

विकाशको आधार

साथमा नयाँ बिचार

उ विद्यार्थी हो ।

आज ,

उ अध्ययनरत छ ,

थाहा छ उसलाई ,

नेपाल जलस्रोतको दोश्रो धनी देश

पढेको छ उसले,

गोर्खाली गाथा को अवशेष

देखेको छ उसले

बुद्धको देशमा शान्तिको भेष

स्मरण छ उसलाई  ,

सगरमाथा भन्दा अग्लो उसको स्वाभिमानमा पुगेको ठेस

मात्र आनुभवमा फरक ,

उसको वातावरण ,चलचित्र भन्दा वेस।

भोली ,

उसले अध्ययन सकेको छ ,

झोला मा प्रमाणपत्र,

मनभरि आशा,

एक नयाँ जिवनको  सुरुवात,

परिकल्पना गरेको छ उसले,

भविष्यमा जिवनको आनुवाद |

अन्तत ,

मोडिएको जिवन,

अथाह पिडा,

तर , बाँच्नका लागि आवश्यक,

उ धिर्काछ आफुलाई ,

आफ्नो समयलाई , आफ्नो परिवेशलाई,

खै , कहाँ थियो सरकार ?

परिक्षा अगाडीको समय  लोडसेडिङमा बिताउँदा,

खै , कहाँ थिए पुर्खाहरु ?

आँट भए पनि अवसरबाट बन्चित हुँदा,

खै , कहाँ थिए बुद्धको अनुशरण गर्ने नेताहरु ?

द्वन्द र कोलाहलमा उसले जिवन बिताउँदा,

खै , कहाँ गयो उसको प्रमाणपत्रको आस्तित्व ?

भनसुनको भरमा कमजोर विद्यार्थीले जागिर पाउँदा,

आज , उ मात्र एक्लो ब्यक्ति हो ,

“सबैजना मिलेर बसौ” भन्ने वाक्य बोल्ने,

खलासी भएर चिनिए पनि,

आम जनतालाई साथ दिने ,

त्यसैले , उ देश को मेरुदण्ड हो ,

यात्रुलाई गन्तब्य मा पुर्याएर ,

आज समयको परीक्षा दिने,

उ एक विद्यार्थी हो ।

यसमा तपाइको प्रतिक्रिया

Loading...