Loading...

अमेरिकामा आज ४५ औं राष्टपतिका लागि निर्वाचन हुदै

एजेन्सी कात्तिक २३ ।

अमेरिकाको ४५ औ अमेरिकी राष्ट्रपति पदका लागि आज निर्वाचन हुँदैछ । भावी राष्ट्रपतिका लागि ४ जना चुनावी मैदानमा उत्रिएका छन् ।

जसमा रिपब्लिकन पार्टीका तर्फबाट डोनाल्ड ट्रम्प, डेमोक्रेटिक पार्टीका तर्फबाट हिलारी क्लिन्टन, ग्रिन पार्टीका तर्फबाट जिल स्टेन र लिबट्रेरियनबाट ग्यारी जोनसन अन्तिम प्रतिस्पर्धामा रहेका छन् ।

यद्यपी मुख्य प्रतिस्पर्धाका रुपमा भने क्लिन्टन र ट्रम्पलाई हेरिएको अन्तराष्टिय सञ्चार माध्यमले जनाएका छन् । पछिल्लो मत सर्वेक्षणले हिलारी क्लिन्टन ट्रम्पभन्दा करिब चार प्रतिशतले अघि रहेको देखाएको छ ।

आजको निर्वाचनमा करिब ८ करोड नागरिकले मतदान गर्ने अनुमान गरिएको छ । राष्ट्रपतिमा निर्वाचित हुनका लागि कूल ५ सय ३८ इलेक्ट्रोरल मतमध्ये बहुमत संख्या अर्थात् २ सय ७० मत आवश्यक पर्छ ।

अमेरिकी तल्लो सदन हाउस अफ रिप्रेजेन्टेटिभको ४ सय ३५, माथिल्लो सदन सिनेटको संख्या १ सय एवम् डिस्ट्रिक अफ कोलम्बियाको ३ इलेक्ट्रोरल मतका आधारमा इलेक्ट्रोरल मतको समीकरण संख्या ५ सय ३८ तय गरिएको हो ।

यस पटक पनि निर्वाचनको प्रमुख एजेन्डा आर्थिक मुद्दा रहेको छ । क्लिन्टनले दुई प्रतिशत धनाढ्य वर्गको कर वृद्धिको प्रस्ताव गर्नु भएको छ भने ट्रम्पले हाल विद्यमान ३५ प्रतिशतको कर्पोरेट कर १५ प्रतिशतमा झार्ने नीति लिनु भएको छ ।

यसमा तपाइको प्रतिक्रिया

Loading...