Loading...

काठमाण्डौमा राष्ट्रपति ,प्रधानमन्त्री सहितको छठ पर्व (फोटो फिचर)

पुकार तिम्सिना

काठमाण्डौ ,२१ कार्तिक ।

मिथिला क्षेत्रमा विषेश श्रद्धा र निष्ठापूर्वक मनाइने छठ पर्वको मुख्य दिन आज ब्रतालुले अस्ताउँदो सूर्यलाई अर्घ्य दिएका छन् ।

ब्रतालुले आज जलासय वा नदी किनारमा ठेकुवा भुसुवा नरिवल र भोगटे लगायत पुजन सामग्री सहित छठी माताको पूजाआजा गरी पश्चिमतर्फ फर्केर अस्ताउँदो सूर्यलाई अर्घ्यदान गरेका छन् ।

कार्तिक शुक्ल चतुर्थीदेखि सप्तमीसम्म चार दिन मनाइने छठ पर्व अन्तरगत षष्ठीका दिन आज अस्ताउदो सुर्यलाई अर्घ दिने गरिन्छ ।

prachanda

विषेश गरी तराई मधेश क्षेत्रमा मनाउने यो पर्व पछिल्लो समय काठमाडौ उपत्यकासहित अन्य क्षेत्रमा समेत मनाउन थालिएको छ ।
छठको अवसरमा आज राष्ट्रपति विद्यादेवी भण्डारी बेलुका गुह्येश्वरी र कमलपोखरी पुगेर छठ पूजामा सहभागि हुनुभएको छ ।

प्रधानमन्त्री पुष्पकमल दाहाल पनि छठ पर्बका अबसरमा कमलपोखरी, रानीपोखरी, पशुपति लगायतका घाट पुग्नुभएको छ । यस्तै उपराष्ट्रपति नन्दवहादुर पुनले पनि छठ कार्यक्रममा सहभागीता जनाउनु भयो ।

1493710chhath3_1322274804491371_1783422847_n

छठ पूजा गर्नाले पुत्रप्राप्ति र छालारोग निको हुनेगरेको धार्मिक मान्यता समेत रहिआएको छ । सत्य र अहिंसाप्रति मानवको रुचि बढाउनु र सबै जीवप्रति सहानुभूति राख्न अभिप्रेरित गर्नु यो पर्वको विशेषता रहेको छ ।

यस पर्वमा केरा, नरिवल, ऊखु, सुन्तला, निबुवा, बेसार, चामल र गहुँको आँटा तथा सख्खरबाट बनाइएका ठेकुवा, भुसुवा, पेरुखिया लगायतका पारम्परिक परिकारहरु प्रसादको रुपमा प्रयोग गरिन्छ ।

14937947_1322285917823593_1887323227_n

यस्तै आज रातभर जाग्रम बसी भोली बिहान जलाशयमा गई उदाउँदै गरेको सूर्य र षष्टी मातालाई अर्घ्य दिएपछि छठ पर्व सम्पन्न हुन्छ ।

14961576_1322274754491376_1236559718_n 14997004_1322274831158035_1390366751_n

यसमा तपाइको प्रतिक्रिया

Loading...